There was an error in this gadget

Monday, November 26, 2007

दीपक का भाग्य

Khud jalkar main roshan karta..
Man mandir ko sabke hi..
Barson se main jalta aaya..
Ghar aangan main subke hi..

Raja ke mahlon main jalta..
Deenon ki kutiya main bhi..
Ek sa roshan karta subko..
Na badla hoon kabhi kahin..

Devalay main bhi hoon jalta..
Man ke andar bhi main hi..
Khushion main main sabke sang hoon..
Marghat ki seedhe par bhi..

Mujh bin yagya na hote koi..
Pooja hoti nahin kahin...
Mere es saubhagya se jalte..
Kitne man ke andar hi...

Duniya kahti baati jalti..
Jyoti to hai baati ki..
Par mujh main na tel agar ho..
Baati jalti nahin kabhi..

"Deepak" ke to bhagya main hi bas..
Jalna hi to likha huwa..
Duniya ko roshan karne ka..
Bhagya mujhe hi mila huwa...

5 comments:

anju said...

likhte rahiye deepak ji
aur apni jyoti se sare andhkar ko door karte rahiye
aap ki kavita acchi lagi

Keerti Vaidya said...

BHUT SUNDER

deepa said...

I,m no poet, but an admirer of beautiful words, and this is beautiful.

bhawana said...

e kavita mujhe mahadevi ji ki yaad dilati hai ...bahut hi sunder ....
bhawana...

prakash kumar said...

bahut hi sundar....god bless you sir....

LinkWithin

Related Posts with Thumbnails